Рускиот ТВ водител Јури Кот изјави дека нуклеарни проектили треба да бидат истрелани кон САД и Велика Британија доколку силите на Киев со западно оружје испровоцираат нуклеарен инцидент во Украина.
Коментарот дојде во емисијата „Времја показат“ во понеделник на Првиот руски канал, во време кога се зборуваше за судбината на нуклеарната централа Запорожје.
Меѓународната агенција за атомска енергија (IAEA) е се повеќе вознемирена од воената акција околу објектот, кој се наоѓа на околу 400 километри североисточно од пристанишниот град Мариупол.
Агенцијата предупреди дека ракетирањето на електраната создава „реален ризик од нуклеарна катастрофа“, бидејќи Русија и Украина меѓусебно се обвинуваат за гранатирање на централата.
– Ако, не дај Боже, се оштети нуклеарната централа Запорожје и се случи катастрофа, две ракети веднаш ќе паднат во вашите центри за одлучување – рече панелистот Јури Кот, додавајќи: „Едната во Вашингтон, а другата во Лондон“.
For those of you perhaps concerned about the absence of recent nuclear missile threats on Russian state TV, there was a new one today
Yuri Kot says Russia should launch one missile at Washington and a second at London if anything happens to the Zaporizhzhya nuclear power plant pic.twitter.com/0VRJSGJyU4
— Francis Scarr (@francis_scarr) August 8, 2022
Америка и Украина рекоа дека американските испорачувани ракетни системи М142 (HIMARS) им помогнале на силите на Киев да ги погодат руските командни центри и складишта за муниција.
Во јули, Олга Скабеева на каналот „Русија-1“ рече дека американската воена поддршка за Украина може да се претвори во директен конфликт меѓу Русија и НАТО, велејќи им на гледачите: „Ќе одиме сѐ до Варшава“.
It's Sunday night in Russia which means that state TV's Dmitry Kiselyov is talking about Russia using its nukes
This time, with the help of a terrifying cartoon, he claims that "one Sarmat missile is enough to sink the British Isles" (with subs) pic.twitter.com/NqbQfkm6rX
— Francis Scarr (@francis_scarr) May 1, 2022
Во емисијата синоќа, Кот ја коментираше и западната воена поддршка за Киев и како сојузниците на Украина подготвуваат војна.
– Сите добро разбираме дека тие создаваат „фиктивна реалност“, а тука е вистинската реалност со која се занимаваме. Мислам дека би имало смисла директно да се осврнеме на Украина и на земјите кои ја поддржуваат – рече Кот.
