Обединетите сојузнички сили – руската армија, козачкиот полк, борците на самопрогласената ЛНР и борците на „Ахмат-форс“ денеска го зазедоа стратешкиот украински град Лисичанск, последното упориште на украинските војници во областа Луганск.
Со неговото освојување, областа Луганск во Украина практично е под целосна контрола на Русија, односно самопрогласената ЛНР.
Во градот има прослава на руските војници, руски и чеченски знамиња може да се видат истакнати на важни згради и места низ градот. Украинските војници го напуштија градот и зад нив минираа важни стратешки патишта кои водат кон западниот дел на земјата – Бахмут и Сиверск.
Здружените сили прво го опколија градот од југ и север, а потоа започнаа насилно навлегување во јадрото на стратешкото место. Украинските војници даваа силен отпор неколку дена, но тој денеска беше целосно потиснат.
Голем број украински војници се предале, според руски извори дури 6.000, а многумина избегале и го напуштиле градот пред неговото опкружување.
На видеата каде руските војници ја слави победата, можете да слушнете: „Лисичанск е наш!“, „Ахмат-сила, Козаци-сила! Љубов!“ На видеата се гледаат борците на Козачкиот полк и борците на Рамзан Кадиров.
https://youtu.be/6y3sY_GEZqQ
Силите на ЛНР и руската армија планираат до крајот на денот да ја „ослободат“ Белогоровка кај Лисичанск, изјави припадник на 6. козачки полк „Платов“.
Руските трупи, исто така, заплениле големо количество западно оружје испратено до украинските војници за одбрана на Лисичанск.
https://youtu.be/6y3sY_GEZqQ
На некои видеа можете да видите како жителите на Лисичанск ги пречекуваат руските војници со солзи.
