Унгарија е во страв и подготвеност.
Унгарскиот министер за одбрана Кристоф Шалај-Бобровнички денеска издаде наредба за поставување на вооружените сили на земјата на повисоко ниво на готовност.
– Се соочуваме со невидени безбедносни предизвици, како што е војната во нашето соседство и насилните илегални мигранти кои ја опсадуваат границата – изјави Кристоф Шалаи-Бобровнички на Фејсбук, пренесе агенцијата МТИ.
Тој додаде дека со слични предизвици се соочуваат нациите низ Европа.
Велика Британија објави дека ги мобилизирала своите вооружени сили, Словачка прогласи вонредна состојба, а Полска ја зголемува борбената готовност, рече унгарскиот министер и порача:
„И ние мора да бидеме вооружени и подготвени“.
Шалај-Бобровнички рече дека во интерес на зачувување на мирот во Унгарија, му наредил на началникот на Генералштабот Ромолус Русин-Шенди да ја стави армијата на повисоко ниво на готовност.
Тоа значи, додаде тој, дека армијата ќе има повеќе вежби во наредните недели и месеци. Вежбите ќе бидат забрзани и ќе бидат повикани повеќе резервисти.
